Преподобен Арсениј Комељски

24 август (по стар стил)

Родум од Москва, од род на големци. Како момче стапи во монаштво во обителта на свети Сергиј Радоњежски. Бидејќи беше примерен монах, го избраа за игумен. Меѓутоа, тој жеднееше за молитвена осаменост и се оддалечи во Комењската шума, каде што се подвизуваше до смртта, борејќи се храбро со големите демонски искушенија. Се упокои во Господа во 1550 година.