Православен календар

Недела на раслабениот

трета недела по пасха

Кога се искачи Христос во Ерусалим за празникот Педесетница, дојде во бањата со пет тремови, што ја направи Соломон, која беше именувана „Витезда“, што на еврејски значи „дом на милосрдието“, а беше наречена уште и „Овча бања”, бидејќи во неа ги миеја утробите на овците што беа заклани и принесени како жртва во храмот. Таму еднаш годишно се исцелуваше и првиот којшто ќе влезеше во бањата по раздвижувањето на водата од страна на Ангелот. Таму Христос најде еден човек кој триесет и осум години лежел неподвижен чекајќи некој да го спушти во водата. Христос, Кој знаеше колкава е болката на тој човек кој се нарекуваше Јара, или некое име слично на ова, му рече: „Земи го одарот твој и оди.“ Веднаш тој оздраве и го зеде својот одар на плеќите, за да не помисли некој дека ова дело е привидение, и си отиде дома. Но, бидејќи беше сабота, Јудејците му бранеа да оди. Подоцна, Исус Го најде во храмот и му рече: „Ете, сега си здрав и повеќе не греши, за да не ти биде полошо.“ Кога раслабениот дозна дека Исус е Тој што го исцели, ги извести Јудејците. Тие, пак, се разгневија и сакаа да Го убијат Христа, бидејќи ја нарушуваше саботата. Исус им кажуваше многу работи, како и тоа дека е праведно да се прави добро и во сабота; дека Он е рамен на Отецот, Koj рекол оти треба да се почитува саботата, и дека и сега така постапува. Оние што ги пренесуваат овие зборови Христови пропуштиле да кажат дека раслабениот човек беше токму оној што подоцна Му удри шлаканица на Исуса кога Тој беше на суд пред првосвештеникот Кајафа. Поради ова тој ќе наследи во оној живот уште потешки маки во вечниот оган, отколку оние што му ги предизвикуваше парализата, не само триесет и осум години, туку за вечноста. Згора на тоа, Исус покажа дека неговата болест била причинета од неговите гревови. Меѓутоа, гревот не е причината за секоја болест; таа може да дојде и од некоја природна причина, од прејадување или од недостаток на исхрана, или од некои други причини. Треба да знаеме дека овој раслабен не е истиот за којшто зборува евангелистот Матеј, бидејќи она се случило внатре и дека имало луѓе кои му помагале на болниот, и дека Исус му рекол само: „Ти се проштаваат гревовите.“ Чудото за кое станува збор тука се случило во тремот на Соломоновиот храм, и болниот немал никој да му помогне. Но, и во двата случаи болните ги носеле своите одари. Ова чудо се празнува сега бидејќи тоа се случило во текот на Педесетницата. По Твојата неискажлива милост, Христе Боже наш, помилуј нè и нас, амин.

Сподели на твитер
днсМај 2022
Н118
П219
В320
С421
Ч522
П623
С724
Н825
П926
В1027
С1128
Ч1229
П1330
С141
Н152
П163
В174
С185
Ч196
П207
С218
Н229
П2310
В2411
С2512
Ч2613
П2714
С2815
Н2916
П3017
В3118
Строг пост
Масло
Риба

Без месо
Пост
Не се пости

Правило на постот за денес:
Не се постиНе се пости
текстови

Што е тоа пост и зошто постиме?
Што е именден и зошто го славиме?
стрип
Кое е значењето на моето име и кога ми е именден?
Внеси го името
или најави се со Facebook
Список на православни имиња
Испратете честитка за именден
15
стар
стил
Мај
28
Мај
нов
стил
Сабота. Не се пости.
Преп. Пахомиј Велики (348); Св. Ахилиј Лариски (IV); Св. Исаија, еп. Ростовски (1090)
денови.мк
Поставете православен календар на Вашиот сајт, клик за кодот.

Поуки
од Светите Отци

Кој ги исповеда своите гревови, гревовите отстапуваат од него, зашто гревовите се потпираат и се држат на гордоста на паднатата природа и не трпат разобличување и срам. Таинството на Исповедта решително ги очистува сите гревови направени со збор, дело или помисла. Исповедањето на гревовите е неопходно, за на правилен начин да се покаеш за претходните гревови, и за тоа да се заштитиш себе си од паѓањето во грев во иднина... Ништо, ништо не помага толку во исцелението на раната нанесена од смртниот грев како честото исповедање.

св. Игнатиј Брјанчанинов

Читајте ги поуките од Светите Отци на Вашиот мобилен телефон, и кога немате интернет. Бесплатната програма е достапна тука.
Денови.мк
© Денови.мк