Православен календар

Светите маченици Евлампиј и Евлампија

10 октомври (по стар стил)

Брат и сестра, од Никомидија. Во времето на едно страшно гонење на христијаните од царот Максимијан, некои верници од Никомидија се имаа засолнето и сокриено надвор од градот. Младиот Евлампиј го испратија в град да донесе леб. Кога влезе во градот, ја виде царската наредба за прогонство и убивање на христијаните залепена на ѕидот, ја симна и ја искина. За ова веднаш беше изведен пред судија. Кога судијата почна да го советува да се одрече од Христа, тогаш и Евлампиј почна да го советува судијата тој да се одрече од лажните идоли и да Го признае Христос како единствен жив Бог. По ова, судијата нареди и го биеја долго дури не го облеа крв, и го мачеа со долги, лути маки. Кога слушна за мачењето на својот брат, девицата Евлампија дотрча и самата, за заедно со брат ѝ да прими маки за Господ Исус Христос. И таа беше биена додека крв не ѝ излезе низ носoт и низ устата. Потоа ги фрлија во врела смола, па во вжарена печка, но тие со силата на името Христово и со знакот на Крстот го направија огнот безопасен. Најпосле, на Евлампиј му ја отсекоа главата, а светата Евлампија издивна пред отсекувањето. Тогаш беа погубени уште двесте христијани, коишто поверуваа во Христа гледајќи ги силата и чудата на свети Евлампиј и неговата сестра. Сите се овенчаа со маченички венци и преминаа во Небесното Царство.p>

Сподели на твитер
днсЈули 2025
В118
С219
Ч320
П421
С522
Н623
П724
В825
С926
Ч1027
П1128
С1229
Н1330
П141
В152
С163
Ч174
П185
С196
Н207
П218
В229
С2310
Ч2411
П2512
С2613
Н2714
П2815
В2916
С3017
Ч3118
Строг пост
Масло
Риба

Без месо
Пост
Не се пости

Правило на постот за денес:
Не се постиНе се пости
текстови

Што е тоа пост и зошто постиме?
Што е именден и зошто го славиме?
стрип
Кое е значењето на моето име и кога ми е именден?
Внеси го името
или најави се со Facebook
Список на православни имиња
Испратете честитка за именден
6
стар
стил
Јули
19
Јули
нов
стил
Сабота. Не се пости.
Преп. Сисој Велики (429); Собор на Радоњешките светители
денови.мк
Поставете православен календар на Вашиот сајт, клик за кодот.

Поуки
од Светите Отци

Некој монах живеел во манастир и постојано се гневел. И решил: „ќе заминам од овде во осамено место, и бидејќи таму со никој нема да имам работа, ќе ме остави страста на гневот.“ Го напуштил манастирот и се населил во некоја пештера, сам. Некој ден, откако наполнил еден сад со вода, монахот го оставил на земјата, а садот се превртел надолу. Земајќи го, наполнил вода по втор пат, но садот повторно се превртел. Доаѓајќи си на себеси тој сфатил дека со него си поигрува ѓаволот и рекол: „еве јас се оддалечив во осаменост и победен сум од него! Ќе појдам повторно во манастирот; бидејќи секаде се потребни трпението и помошта Божја!“ И се вратил на претходното место.

Древен старечник, 7. 38

Читајте ги поуките од Светите Отци на Вашиот мобилен телефон, и кога немате интернет. Бесплатната програма е достапна тука.
Денови.мк
Facebook app privacy policy
© Денови.мк