Светиот маченик Конон Градинарот

5 март (по стар стил)

Родум од Назарет. Беше благ и незлоблив и во сè угоден на Бога. Во времето на Декиевото гонење го мачеа за Христа. Но, тој остана цврст во верата, а незнабожните судии остро ги разобличи за нивното безумство. Со клинци во нозете, врзан за колата на кнезот, овој кроток и незлоблив светител го влечеа да трча, сè додека не изнемоште и падна. Тогаш за последен пат Му се помоли на Бога и Му го предаде својот дух, во 251 година.