Свети Финан, епископ Ландисфарнски
17 февруари (по стар стил)
Ирец, кој се замонаши во манастирот на светиот Колумба во Јона, а се прослави со својот живот и подвиг. Кога се упокои епископот Ајдан, за негов наследник беше избран Финан. Свети Финан ги покрсти кралевите на Саксонската ептархија: Зигберт, кралот на источните Саксонци, и Пенда, кралот на Мерсија, а потоа испрати и проповедници во нивните кралства, за да ја утврдат Христовата вера и во тие земји. Се упокои во 661 година.
