Светиот маченик Философ

31 мај (по стар стил)

Овој Христов маченик беше родум од околината на Александрија. Во времето на прогонствата на христијаните, свети Философ не сакаше да се одрече од Господа Христа пред незнабожните кнезови и судии. Заради ова незнабошците го ставија на лути маки. Откако беше мачен со најразлични маки, го положија најпосле во мека постела, му ги врзаа рацете и нозете и му пуштија една развратна жена да го наведе на грев. Кога светиот Философ почувствува дека во него се буди желба од допирот на женските раце, тој со заби си го стегна јазикот, со сета сила го откина и го плукна во лицето на блудницата. Од тоа похотта во него згасна, а блудницата толку се ужасна, што веднаш побегна од него. Потоа беше убиен со меч, околу 252 година, на млади години, па се пресели во царството на вечната младост.