Преподобниот маченик Пахомиј

21 мај (по стар стил)

Родум од Мала Русија. Во младоста го фатија Татарите и го продадоа како роб на еден Турчин кој беше кожар. Помина во ропство дваесет и седум години, во местото Усаки, во Мала Азија. Насилно го потурчија. Отиде на Света Гора, се замонаши и помина дванаесет години во манастирот на Светиот Апостол Павле. Реши да пострада за Христа. Неговиот Старец, духовникот Јосиф, го испрати Пахомиј до Усаки, каде што на својот поранешен господар Пахомиј му се јави како христијанин во монашка облека. Турците го ставија на маки, а потоа го фрлија во затвор и најпосле го заклаа, на 8 мај 1730 година, на самиот ден на Вознесението Христово. Од неговата крв и од неговите мошти се случија многу чуда. Погребан е на островот Патмос, во црквата на Свети Јован Богослов. Така овој малоруски селанец стана маченик и венценосец во бесмртното Христово Царство.