Православен календар

Свети праведен Јован Кронштатски

20 декември (по стар стил)

Роден е во 1829 година, во најсеверната област на Архангелск, недалеку од Белото море, во сиромашната населба Сура, оскудната и мрачна околија Пинеги. Поради страв дека веднаш ќе умре, веднаш е крстен, со името Јован, во спомен на свети Јован Рилски. Кога тргна на училиште, и покрај сета трудољубивост, на Јован му недостигаше способност да сфаќа и памети. Во својата неволја Јован прибегнал кон молитва. „Ноќе се молев Господ, за утеха на моите родители, да ми го просветли разумот. И Господ ме послуша. Од тоа време, мојот напредок во училиштето беше за сите очигледен. На крајот од годината, како еден од најдобрите ученици, бев упатен во Богословија.“ Следните десет години Јован ја посетуваше Богословијата и трудољубиво учеше. За свештеник го ракоположи Владиката Христофор, на 12 декември 1855 година, во Петроград, а потоа, премина кај својот дедо во Кронштат, да му помага во соборниот храм на свети Андреј. Отец Јован живееше за својот свештенички повик. Тој ги следеше заповедите Божји, секој ден доброволно вршеше богослужение, држеше веронаука и постојано им помагаше на оние што се во неволја. Во 1874 година отец Јован основа друштво „Братството на свети Андреј“ за згрижување и помош на сиромасите. Кај отец Јован се пројави Божјиот дар на чудотворно лекување, па многумина со тешки болести му се обраќаа за помош и добиваа исцеление. За малку години Кронштат стана поклоничко место, каде што дневно доаѓаа на стотици, па и илјадници луѓе од цела Русија. Отец Јован во деведесеттите години основа четири женски манастири. До својата 75-та година отец Јован непрекинато ја извршуваше свештеничката служба. Света Литургија служеше речиси секој ден, секого го примаше, посетуваше болни, се грижеше за своите општествени установи, спроведуваше добротворни акции, пишуваше беседи и дневник. Децении спиеше еден до два часа на ден. Најпосле неговите телесни сили ослабнаа и тој се разболе. Се упокои мирно на 20 декември 1908 година после Светата Литургија, откако се причести со Светите Тело и Крв Христови. По неговата смрт се умножуваа сведоштвата за неговото благодатно дејствување. Врвните пастири на Руската Православна Црква беа согласни дека отец Јован е Божји праведник. Но, неговата канонизација не можеше да се изврши поради богоборниот режим во Русија. Единствено архиепископот Андреј Ухтомски во деведесеттите години кришум составил акатист за неговото прославување. Руската Задгранична Црква во 1964 година ја објави неговата канонизација.

Сподели на твитер
днсЈануари 2021
П119
С220
Н321
П422
В523
С624
Ч725
П826
С927
Н1028
П1129
В1230
С1331
Ч141
П152
С163
Н174
П185
В196
С207
Ч218
П229
С2310
Н2411
П2512
В2613
С2714
Ч2815
П2916
С3017
Н3118
Строг пост
Масло
Риба

Без месо
Пост
Не се пости

Правило на постот за денес:
Не се постиНе се пости
текстови

Што е тоа пост и зошто постиме?
Што е именден и зошто го славиме?
стрип
Кое е значењето на моето име и кога ми е именден?
Внеси го името
или најави се со Facebook
Список на православни имиња
Испратете честитка за именден
13
стар
стил
Јануари
26
Јануари
нов
стил
Вторник. Не се пости.
Мч-ци Ермил и Стратоник (315)
денови.мк
Поставете православен календар на Вашиот сајт, клик за кодот.

Поуки
од Светите Отци

Сè треба да се прави со расудување и човек треба да ги знае своите мерки, за отпосле да не се смутува. Да се прави преку сила милостина, пост или нешто друго е безрасудно и го води кон смут, униние и ропот оној што тоа го извршува. Бог го сака тоа што е според силата на човекот.

Преп. Варсануфиј Велики
Раководство, 627

Читајте ги поуките од Светите Отци на Вашиот мобилен телефон, и кога немате интернет. Бесплатната програма е достапна тука.
Денови.мк
© Денови.мк