Светиот свештеномаченик Александар, епископ Јерусалимски

12 декември (по стар стил)

Најпрво беше епископ Кападокиски. Во времето на Северовото гонење во 203 година го фрлија во затвор и го прогонија. По ова го прими јерусалимскиот престол. Ја основа прочуената јерусалимска библиотека, со којашто Евсевиј се служеше при пишувањето на својата Историја на Црквата. Во времето на Декиј беше мачен на разни начини и фрлен пред ѕверови. Остана жив и нечепнат од ѕверовите, па го фрлија во затвор, каде што во 251 година го заврши овоземниот живот и се престави кај Господа.